影片
更多
2017-10-13
438 浏览
同大佬好耐冇食放题，留意到呢间用象拔蚌刺身嚟做卖点，就去试一试！地点喺女人街里面，都要用心揾，大厦门口比较唔显眼，不过胜在够光猛。搭䢂上到去攞位，门口小姐问有冇报纸coupon😳，点解我打电话book枱时唔讲嘅！入到去五成客人，我哋被安排坐喺一张好窄又好细嘅两人枱，隔离亦都系一张同样嘅枱贴住（已有食客），未有食物张枱已放有豉油一樽、豉油碟同碟、两个胶水杯、点食物嘅纸（好厚一叠）有个蒸食物嘅炉，已经放满嘢，仲有啲栋喺度嘅餐牌，根本张枱已经迫爆。唔明餐厅只有一半左右客，点解唔可以俾张大啲嘅枱呢！食物种类方面除多咗象拔蚌刺身，其他真系一般过一般。刺身落完单好快上枱，第一转叫咗象拔蚌（大家唔好...好似我期望𠮶啲象蚌拔刺身，因为呢间供应嘅应该系啲好细只嘅急冻货，食落冇鲜又唔甜，都爽嘅）、白玉豚（一般过一般）、鲷鱼（冇味，当时都唔知食紧咩）、带子（望落细细粒，都甜嘅）、甜虾（中size，食得过嘅）、蝾螺（质地唔太淋，有口感，而且几甜）。仲order咗鱿鱼、墨鱼同帆立贝嚟蒸，蒸熟咗以上三样好似橡胶咁，冇味得嚟好𡁻头（一定冇蒸过龙），所以最后都系吐出嚟冇食，之后试蒸牛肉片反而好味。熟食方面有：串烧牛
地点喺女人街里面，都要用心揾，大厦门口比较唔显眼，不过胜在够光猛。搭䢂上到去攞位，门口小姐问有冇报纸coupon😳，点解我打电话book枱时唔讲嘅！
入到去五成客人，我哋被安排坐喺一张好窄又好细嘅两人枱，隔离亦都系一张同样嘅枱贴住（已有食客），未有食物张枱已放有豉油一樽、豉油碟同碟、两个胶水杯、点食物嘅纸（好厚一叠）有个蒸食物嘅炉，已经放满嘢，仲有啲栋喺度嘅餐牌，根本张枱已经迫爆。唔明餐厅只有一半左右客，点解唔可以俾张大啲嘅枱呢！
食物种类方面除多咗象拔蚌刺身，其他真系一般过一般。刺身落完单好快上枱，第一转叫咗象拔蚌（大家唔好...好似我期望𠮶啲象蚌拔刺身，因为呢间供应嘅应该系啲好细只嘅急冻货，食落冇鲜又唔甜，都爽嘅）、白玉豚（一般过一般）、鲷鱼（冇味，当时都唔知食紧咩）、带子（望落细细粒，都甜嘅）、甜虾（中size，食得过嘅）、蝾螺（质地唔太淋，有口感，而且几甜）。仲order咗鱿鱼、墨鱼同帆立贝嚟蒸，蒸熟咗以上三样好似橡胶咁，冇味得嚟好𡁻头（一定冇蒸过龙），所以最后都系吐出嚟冇食，之后试蒸牛肉片反而好味。
熟食方面有：串烧牛脷（唔错，唔会又干又硬），炒芽菜（唔系咩特别食品，不过本人觉得炒得啱啱好，好爽脆，唔系生𠮶只，略咸少少啫），蟹柳、龙脷柳同虾天妇罗（唔太好食，系虾会好啲啲，粉浆厚过乜）炸鸡软骨（反而好OK、细细粒𠮶只，食落香脆唔太油，一贯味道）牛肉粒（唔会硬实实，冇咩特别好），焗蚝（成pat沙津酱喺面，揾极都揾唔到只蚝，最终放弃），象拔蚌寿司（件象拔蚌好似系熟冇嚟味道，饭散），黑松露油甘鱼（唔错，可能所谓嘅松露味重，鱼味都有，不过比较轻），吞拿鱼蓉手卷（喜出望外、鱼蓉份量够），蟹粥（稀到咩咁，系OK甜，因为个粥里面有一旧蟹仔，系好细冇肉食嘅size，同啲象拔蚌做唔到刺身嘅部分，大大窝）。呢个放题有朝日啤酒同Sake任饮，当然有其他饮品啦，有啲见到都唔想攞嘅甜品（除酒类，饮料同甜品自取）。期间限时2个钟，不过8个字前就会截order，好似食到中间叫你last call咁，搅到怕最唔够食而落多咗嘢，一踏进2个钟即刻叫走人。其实可能当日唔多客，服务尚可，而且人数多嘅话仲可以有个炉烧海鲜（见到啲大枱超过5、6人喺度烧海鲜，可能2人枱太细摆唔到个烧炉，所以冇得烧啩⋯⋯）
总结：第日朝早仲有肚疴，所以冇下次！
张贴
