影片
更多
2014-08-16
1092 浏览
每逢星期五，公主我就唔做悭妹，唔带饭同同事出街食。今朝一早，公主我已经突然好想食海南鸡饭，同事竟然咁啱提议去食新泰海南鸡饭，真系夹都冇咁啱。其实我地已经一早打咗电话book，但去到都系爆晒，都系要等左一阵先有位。等位嘅时候，侍应俾咗餐牌我哋睇，除咗海南鸡饭外，其他嘅巴东牛腩、泰式湿炒河公主都好似好好味，所以同事个个都转晒肽唔食海南鸡饭。不过，因为公主我一早已经谂住食海南鸡饭，咁其他嘅留番下次先试啦。公主我冇特别要求㗎，佢都俾咗鸡脾我。见到隔离枱嘅姐姐们，系鸡胸同鸡背，公主我就觉得So lucky！鸡煮得几好，刚刚熟，所以都算好滑唔会干争争硬骨骨。不过鸡皮好厚，好多肥膏，如果佢薄薄地又爽又脆嘅话，公主我都会食嘅，呢间就免喇。同埋鸡嘅鲜味就唔太浓郁，就咁食嘅话都ok。如果点埋酱，就简直唔系好觉得有鸡味。另外，公主我个人偏好海南鸡饭要有齐3种酱：老抽、姜蓉、蒜蓉辣椒酱。但泰式唔似南洋风咁有老抽。佢而家争咁样老抽令公主我硬系觉得唔圆满，硬系争咁啲嘢。仲有个汤入面嘅系冬瓜，但公主我个人偏好萝卜多啲，还好个汤尚算清唔肥腻。而油饭就煮得都可以接受，唔太咸唔太油，不过又唔算话有咩特别。虽则弹咗佢咁多其
其实我地已经一早打咗电话book，但去到都系爆晒，都系要等左一阵先有位。等位嘅时候，侍应俾咗餐牌我哋睇，除咗海南鸡饭外，其他嘅巴东牛腩、泰式湿炒河公主都好似好好味，所以同事个个都转晒肽唔食海南鸡饭。不过，因为公主我一早已经谂住食海南鸡饭，咁其他嘅留番下次先试啦。
公主我冇特别要求㗎，佢都俾咗鸡脾我。见到隔离枱嘅姐姐们，系鸡胸同鸡背，公主我就觉得So lucky！
鸡煮得几好，刚刚熟，所以都算好滑唔会干争争硬骨骨。不过鸡皮好厚，好多肥膏，如果佢薄薄地又爽又脆嘅话，公主我都会食嘅，呢间就免喇。同埋鸡嘅鲜味就唔太浓郁，就咁食嘅话都ok。如果点埋酱，就简直唔系好觉得有鸡味。另外，公主我个人偏好海南鸡饭要有齐3种酱：老抽、姜蓉、蒜蓉辣椒酱。但泰式唔似南洋风咁有老抽。佢而家争咁样老抽令公主我硬系觉得唔圆满，硬系争咁啲嘢。仲有个汤入面嘅系冬瓜，但公主我个人偏好萝卜多啲，还好个汤尚算清唔肥腻。而油饭就煮得都可以接受，唔太咸唔太油，不过又唔算话有咩特别。
虽则弹咗佢咁多其实都有啲嘢系好嘅，佢嘅份量都几足，食完都好饱（但男仔可能争啲喇）。而且亦有配蒜蓉炒蔬菜，唔会净系得肉肉肉，感觉健康啲，平衡番成件事。
另外呢度都有个好处，唔饮冻嘢嘅公主我，除咗咖啡奶茶之外都可以饮热华田。唔系间间泰国餐厅都有华田㗎！
其实食到一半，侍应姐姐已经攞咗啲甜品出来，使唔使咁赶呀？不过佢个椰汁珍多冰糕真系好香椰汁味，食落感觉似大菜糕，比较挺身。如果佢食落个质地似啫喱咁林滋滋，咬两下就溶晒啲汁响个口到，公主我就唔会食。
其实佢个海南鸡饭真系唔算特别好食，又唔系平，加埋一成七十几蚊，虽则以湾仔嚟讲个价钱算系咁。如果下次再去嘅话，就试吓其他嘢（因为同事叫嘅巴东牛腩同炒粉丝好似都唔错咁）。
p.s. 食完呢餐之后，公主我突然好挂住新加坡嘅鸡饭（啲饭系搓到一粒粒㗎），但唔知香港有无得食呢？
张贴
