Cafe 360 (已結業)

呢间餐厅位于西九龙中心6楼，有日夜晚经过见个menu整得几靓，个环境又吾错，就入去试下。餐厅环境: 灯光同格局都令食客坐得舒适，但扣分位系有一两只蚊滋仔，吾知咁岩系果张桌定成间餐厅既问题。食物: 个人觉得menu既相片同介绍比实物更加吸引。我点左焗菠萝双色芝空猪排焗番茄饭同360芝士薄饼。焗猪扒饭会跟免费野饮，可以简冻果茶、咖啡式者热茶，我就加左杯热茶。360芝士薄饼就可以半价加野饮，朋友就加左喜马拉雅山粉红岩盐咖啡。1. 焗菠萝双色芝空猪排焗番茄饭个焗饭一上到就令我谂起大快活既焗猪扒饭，比起大快活既焗猪扒饭，呢个焗饭d饭无加蛋炒，芝士都吾觉食到，猪排吾算好肥，但食落无咩味，可以一赞既地方系几多翠肉瓜同菠萝。2. 360芝士薄饼pizza个饼底够热同松软，但叫得360度芝士，我expect会多d芝士，但睇落同食落都真系吾觉多芝士，但就几多碎蛋，同pizza整体个味道吾系咁夹。总结: 间餐厅性价比唔高，呢个价钱可以系其他餐厅享受更好味既野食。深水埗咁多选择，应该无咩原因会再食呢间。