金記冰室 (創紀之城五期(apm)) (已結業)

放假约左官塘返工朋友食午餐，午膳时段间间迫满人，幸好等位不算耐等了8分钟就有位，环境比较嘈不是一个倾计好地方，枱比较细放三碟野食会好迫，由点餐至食物上枱要等十几分钟，短短午膳时间就咁消耗了，话晒餐厅位于商场顶层，落楼回程需时，朋友也只好赶快食。猪扒葱油捞公仔面 + 黑松露炒蛋配蒜蓉包 + 奶茶卖相几好原来系伏，面份量不多而且无味，成碟野真系油到一个点，猪扒异常松软但调味一般，没有加香茅无咁惹味，黑松露炒蛋嫩滑，多士欠脆较淋身，奶茶几滑茶味够。鲜茄焗猪扒饭饭量不多偏细碟，男仔食应该唔够，猪扒都系松软，饭身较硬唔系炒底，配鲜茄汁味道唔算差。