豪大大雞排 (富達大廈)

营业中

休息中

今日收工同朋友去咗旺角波鞋街行一阵，行过又有啲饿，但系我哋又唔系话好饿。喺豉油街波鞋街交界，见到呢间豪大大鸡扒，都有几多人排队，加上好似好耐冇食过豪大大，虽然自己有啲喉咙痛😂但系都忍唔住去咗买嚟食。咁我就买一只鸡槌食，我朋友就买咗一袋半份嘅鸡粒一齐share食。我哋选择咗少少少少辣粉，因为本身都唔食得太辣，只鸡槌同啲鸡粒都热辣辣嘅，不过只鸡腿就略嫌细咗啲，而啲鸡粒呢，发现佢啲粉搽得好厚，所以食落去好似成口都系𠮶啲粉咁，而啲鸡粒肉就少之又少。希望可以改善下啦，但系食完之后真系好热气，要隔一排先再可以食佢嚟。