何洪記 (已結業)

早排同两位朋友晨咁早一齐去铜锣湾排队买飞，见十二点几肚饿唔知食咩好之际～就谂起我之前在这里睇话几好几好咁．．于是就盲钟钟入左去试下有几好食啦．．但系我地一致认为佢同一般茶餐厅冇咩分别！最大既分别就系劲贵又唔值啰！！试左佢既牛腩捞面（＄３ｘ），劲细碟都算（如果系好食既话），但仲要系食到面有ｄ碱水味～如果讲爽佢系有．．但大把面家一样做到～好似深水埗刘森记、大埔平记都仲好食过佢，价钱又唔贵～冇咩必要特登去个度食！仲有，试左佢既沙爹菜远牛肉炒河（＄４８），最大既惊喜就系同其他荼餐厅食到既冇咩分别，失望！冇呃你～佢只不过系ｄ牛肉少落左ｄ松肉粉，但你去第度食又系咁既味～仲要收我＄４８一碟真系攞命！食到呢度已经唔想嗌其他！宁愿去第二度买零食算～加上佢地ｄ阿姐服务真系唔多掂～上到阁楼一埋位坐低睇ｍｅｎｕ时佢就企定定摆定ｐｏｓｅ等写野劲心急咁～我好心小小话我地谂下先等阵再嗌姐．．佢就话”下～咁我落左去你地净间自己落黎嗌架喇”，然后劲不悦咁落左楼．到我地食完野想饮番杯茶先走姐．．我地一路倾计个阵佢就一路同执边个讲”出面有好多人等紧呀”好想赶我地走咁款～真系以后唔会再黎呀！