上海飽餃店

营业中

休息中

咁岩系红磡个头揾个朋友，之后都开始有少少饿意，就谂住揾下野食，但又唔太想食得太饱，怕食得太饱，晏少少食唔到晚饭。跟住行下行下见到呢间上海小店，就系平时好传统格局既舖头，成间舖头好多细枱櫈，墙身同地板都系瓷砖铺，都有少少个种怀旧既感觉。小店门口摆有外卖档位，有蒸饺、蒸包、葱油大饼卖。因店内地方浅窄，豆浆机都系放在近门口位置。我就点左一个葱油饼、素菜包、生煎包同一份锅贴作为我同朋友既下午茶。先讲下个葱油饼，葱油饼都几香，咬落去除左有芝麻既香味仲有少少油同葱既味道升上黎，个味道的确系不错，又不会煎得很㶶。煎窝贴都好好食，一份有4 个，包皮包得都好正宗，厚度适中可以锁住肉汁，咬落去微暖,加埋猪肉，所以都好有咬口。生煎包方面，都煎得几香，包底脆脆地，包面软软的，馅是猪肉，不算太油腻。有时，就要系旧区先会揾番Ｄ有风味既野食。