麻布茶房 (已結業)

我同男友今日４点左右黎呢到食野，见到入边有空位子，谂住唔洗等啦，谁知门口位妹妹仔话未有位，要等，但我明明见住入边系有位既，好啦，等就等啦，幸好不太耐，结果带左我去厨房门口位，完全睇唔到海景，只系睇到个厨房，晕．．．好啦，都算啦，但我男友份菜单竟然痴手的！！！点搞嫁！？我男友无所谓，所以我都唔出声算啦，后来招手点菜时，１个２个就只是叫我请等等，等等．．．（几经辛苦）终于有人停低理会我们，我同男友点了一个好似pizza的抄面同一些小食，之后我想要１杯茶同一杯热水，该名waiter算得上有礼地叫我等一阵会有，点知等左足足10分钟先有职员比(2杯茶)我low，系２杯茶low，我跟住同呢位比茶我既哥哥要一杯热水，佢点头后就行开了，之后？影都冇埋．．．中途叫左一位扎马尾头发既女仔，想（请求）佢帮我加ｄ茶，佢好有礼咁回应我请等等，好呀，真系等个等字，转头佢就走左入去厨房到同人倾计！我仲要听到佢倾计既内容添呀！！！笑得仲好大声添呀！！！！！呢ｄ到底系咩service黎？？？倾计大过天？？？出番黎直行直过，当无左呢回事咁，好野呀，怪唔知麻布茶房咁出名啦．．．食物味道十分一般，真系唔知个价钱系点计既．．．