影片
更多
2020-07-01
697 浏览
依日放工去开天后朋友屋企睇波，我哋就买齐嘢食上去开餐😆。除咗正餐外，我哋仲买埋糖水添，咁就唔洗等踢到半场先落街买。朋友话蚬壳街有间新开嘅中式糖水舖，就一于试下。除咗正街嘅老字号外，中式糖水舖真系买少见少呢。舖仔细细，似由一家人经营，堂食嘅位置不多，多数人都系买外卖，就好似我哋咁😚。糖水价钱好平，一碗平均都只系$20-$22，今时今日边到揾👍？糖水有成十数款拣，款款都系经典，各有功效😊。糖水舖系用一个个铁兜装住啲糖水，全部都系热辣辣滚住，无得输，真系好有经典嘅感觉😜。我哋要咗三碗Share食，分甘同味😋。蛋白杏仁露($23/热)，食材功效包括平气止咳同养颜，但孕期不宜。杏仁茶好香，够哂浓味，而且同蛋白好夹🥚，食落又够滑。桑寄生莲子蛋茶($20/热)，食材功效包括安神、益肝肾同缓经痛。依个同我食开嘅唔太同🙈，药材味比较浓厚，所以较苦涩，有啲似凉茶，哈哈。不过口味因人而异嘅～。木瓜雪耳露($20/热)，食材功效包括滋阴润肺同益脾胃。哇呢碗糖水嘅雪耳多到一个点😍，正，好滋补，而且仲有红枣添，好啱女仔。总括嚟讲，平平地想食碗中式糖水嘅话，呢到绝对系一个好选择😎，味道都唔错啊！
依日放工去开天后朋友屋企睇波，我哋就买齐嘢食上去开餐😆。除咗正餐外，我哋仲买埋糖水添，咁就唔洗等踢到半场先落街买。朋友话蚬壳街有间新开嘅中式糖水舖，就一于试下。
除咗正街嘅老字号外，中式糖水舖真系买少见少呢。舖仔细细，似由一家人经营，堂食嘅位置不多，多数人都系买外卖，就好似我哋咁😚。
糖水价钱好平，一碗平均都只系$20-$22，今时今日边到揾👍？糖水有成十数款拣，款款都系经典，各有功效😊。
糖水舖系用一个个铁兜装住啲糖水，全部都系热辣辣滚住，无得输，真系好有经典嘅感觉😜。
我哋要咗三碗Share食，分甘同味😋。
蛋白杏仁露($23/热)，食材功效包括平气止咳同养颜，但孕期不宜。杏仁茶好香，够哂浓味，而且同蛋白好夹🥚，食落又够滑。
桑寄生莲子蛋茶($20/热)，食材功效包括安神、益肝肾同缓经痛。依个同我食开嘅唔太同🙈，药材味比较浓厚，所以较苦涩，有啲似凉茶，哈哈。不过口味因人而异嘅～。
木瓜雪耳露($20/热)，食材功效包括滋阴润肺同益脾胃。哇呢碗糖水嘅雪耳多到一个点😍，正，好滋补，而且仲有红枣添，好啱女仔。
总括嚟讲，平平地想食碗中式糖水嘅话，呢到绝对系一个好选择😎，味道都唔错啊！
张贴
