阿純山東餃子

营业中

休息中

同朋友星期日晚黎到呢度，虽然要等位但唔算耐，半个钟左右有得入座等𠮶阵已经谂好食咩，要左麻酱鸡丝冷面、香烧羊排、白菜猪肉较和山东烧鸡（例牌）。同朋友好期待个冷面但大失所望，啲面太干个酱系中式芝麻酱，食落其实普通。反而呢个羊排非常惊喜，一黎到已经好香，食落唔重羊臊味但肥瘦分明啖啖肉，佢有啲孜然味其实似串烧既羊肉，虽然有肥肉但唔会油腻，我唔食洋葱既，但朋友话洋葱好好味全部食晒😂得两个人又想试山东烧鸡，所以叫左例牌，鸡肉系嫩滑既，但我以为个皮会烧得香口，可惜只系有少许金黄色但食落系普通鸡皮，似酒楼啲红烧炸子鸡但个皮淋左。既然个名叫饺子，所以都预左系好食，果然冇失望，皮唔算薄既，系东北口味既饺子，食落去好juicy，果然系招牌。