榮基牛雜粉麵

营业中

休息中

平時食開明記，近排先知再行前少少既鳳德商場有間粉麵店，專誠去撐下場。其實鑽石山地鐵站行10零分鐘都到，算就腳，去開荷里活可以過去試下，好過成日幫襯連鎖店咁悶。單叫牛腩河是$32，外賣加$1，而再加$10就可以雙併，牛腩加牛什。分湯真係好好，同埋自動波俾埋辣椒油👍🏻👍🏻👍🏻我平時唔係好食牛什只會食牛肚唔係好識評價，但係連牛腸都完全無怪味，食得好安心，食落口唔會覺得太肥膩，但又有啲油脂，鐘意食既人應該會覺得好味。而佢既牛腩都易咬唔會"un "，我覺得同街外既味道差不多，其實所有牛腩河既牛腩對我來說都是稍為偏咸了一點點🙈湯底就唔會太味精，好好呀以後都會改為幫襯呢間！