榮基牛雜粉麵

营业中

休息中

平时食开明记，近排先知再行前少少既凤德商场有间粉面店，专诚去撑下场。其实钻石山地铁站行10零分钟都到，算就脚，去开荷里活可以过去试下，好过成日帮衬连锁店咁闷。单叫牛腩河是$32，外卖加$1，而再加$10就可以双并，牛腩加牛什。分汤真系好好，同埋自动波俾埋辣椒油👍🏻👍🏻👍🏻我平时唔系好食牛什只会食牛肚唔系好识评价，但系连牛肠都完全无怪味，食得好安心，食落口唔会觉得太肥腻，但又有啲油脂，钟意食既人应该会觉得好味。而佢既牛腩都易咬唔会"un "，我觉得同街外既味道差不多，其实所有牛腩河既牛腩对我来说都是稍为偏咸了一点点🙈汤底就唔会太味精，好好呀以后都会改为帮衬呢间！