一品雞煲火鍋

营业中

休息中

上星期买左本杂志，入面介绍左三十几间必食得奖既食店，为食既我当然要去试下，今日就揾左两位朋友去呢间一品鸡煲。我知上得杂志都唔会小人食架啦，都约早班为食友七点去到。哗，点知一去到门口已经有成十几人系度等紧，我心谂实有排等，所以嗱嗱淋入去攞飞先。入到去问收银处小姐三位要等几耐，佢话都都要等六七张，不过问我搭唔搭枱，搭就唔洗等。我听到好惊讶话打边炉都搭枱？？收银处小姐有礼貌咁同我讲张枱其实好大，叫我睇下先，我见出面咁情况当然话可以啦，于是唔洗等就有位坐！！正！我地先叫左个小辣鸡煲，上左之后再煲多阵，会有职员过黎搞个煲，个煲一开时劲香！！入面仲有好大既紫洋葱，辣辣地又带点麻，个汁好食到不得了，鸡亦滑既，真系唔怪得大排长龙。我地仲叫左d配料食，手切肥牛几好，牛丸就麻麻，蔬菜都新鲜，最值得推介系手打滑同乌冬！手打滑又弹牙又滑，仲可以系四款选两种做双拼。而个乌冬真系不得了，并唔系普通出面食到，吸埋个煲d汁，一流！我地叫左四碟先停手！呢餐非常满意，得奖既食店果然系唔同，我实会叫多d人再黎。最后真系要多谢收银处小姐，唔系佢我话知可以搭枱我谂我有排等。