阿牛 (已結業)

阿牛位置系深湾轩附近，位置都几僻静，闲日晚上其实唔多人，如果想静静地食下野倾下计都几好，因为今晚得两个人食饭，所以叫左一个dinner set，另外加左一个海鲜喇沙，蒜蓉包，同埋鸡翼，dinner set包前菜，汤，饮品，甜品，前菜既蒜蓉焗青口，青口香口惹味，仲有薯蓉铺底，唔错，跟餐牛尾汤，带少少酸，汤既味道就一般，呢个汤既味道个人唔太喜欢~串烧鸡翼，呢个即叫即烧，但味道唔够，好淡，咸番些少会仲好~海鲜喇沙，材料好丰富，有虾，帆立贝，鱼肉，蓝贝，鱿鱼，豆卜仲有虾片，而且酱汁做得好食，送饭或者蒜蓉包都一流，蒜蓉包焗得香脆，唔错，本身系想食果仁焗羊架，但而家meun已经无左呢样野，问过厨房亦话唔提供，所以唯有叫左焗羊鞍，还可以，但羊鞍较肥，而且较骚，最后，甜品系炖蛋，味道一般。是晚老板唔系铺所以较静，无人搅气氛，而且人客唔多，只得两三枱，喇沙水准仲keep到，但羊架就有待改善，而且店内装修真系开始残旧，希望下次可以食到果仁焗羊架。