最想吃 (已結業)

同呀仔两个去打边炉，拣咗呢间位于湾仔的一人一锅😀六点半去到冇乜人，但之后就愈来愈多人，仲满晒座地方唔算大但环境好舒适企理，食完都冇成身油烟味我哋叫咗最平𠮶个餐，包括前菜、海鲜拼盘同埋鸡煲或者炸鸡😋 当然仲包括任点任食同出去攞嘢食前菜有粒粒蕃薯🍠、鸡串烧、蛋黄炸鱼皮、枝豆，样样都好好味，呀仔尤其钟意个蕃薯，甜甜地好好味！粒粒炸鸡🍗正常味道，加埋啲辣酱好滋味海鲜拼盘有鲍鱼、虾、鱼、蚬同扇贝，唔算好大只但都新鲜！汤底我哋拣咗牛乳锅同花胶锅，牛乳应该真系牛奶🥛，好味！服务员送上肥牛及䐁肉，好快熟好好味！另外我出去攞咗餐肉、肠仔、粟米🌽、南瓜、菜同丸类，全部都好正常食完呢啲我哋已红饱晒，完全冇点任点任食𠮶啲野，张纸其实仲有好多食物我想试，包括卤大肠、牛柏叶、鸭血等等，但真系好饱啦😅任攞嘢饮包括韩式野饮如蕃石榴汁、芒果汁、水蜜桃🍑汁、柠檬汁等，选择好多，最后仲食埋melona蜜瓜味雪条，真系超满足😝今餐呀仔同我都食得好开心🥳，有下次！