火舞町 (已結業)

见新假期拍条片好似几吸引嚟咗食， 点知伏爆，由头到尾冇一样好食。一开始佢送嘅拖罗已经好腥， 明太子芝士玉子 根本系炒蛋皮包住里面有好多酱汁，蛋嘅比重好少， 和牛粒炒饭好细碗，完全冇味 又唔好食，食唔出和牛味。 最唔得系个关东煮， 叫咗油豆腐萝卜 年糕福袋牛筋， 超级无敌淡好似白烚咁， 牛筋又唔淋肉又干又冇味， 真系好唔得。 咁好啦去到主菜大阪烧加面， 真系好普通完全食唔出乜嘢叫做秘制酱汁，认真Donki卖几十蚊嘅大阪烧炒面仲好食过佢哋， 咁好啦最后叫左个雪葩 一百蚊一个， 以为乜嘢雪葩会好靓咁巴闭要成一百蚊一个，点知劲普通啰一个超小迷你菠萝皮里面有雪葩，冇乜特别，完。 我对于呢间嘢真系不可一不可再， 可能系我对食物有要求啦， 但我真系唔钟意食呢间嘢🫠🫠🫠大家去前真系要谂谂先。