影片
更多
2024-09-01
828 浏览
我个朋友话见过呢一间餐厅嘅好评，所以就喺话佢生日嘅时候同佢喺呢间餐厅食佢生日饭… 我哋喺一个月之前book咗位，因为都知道星期五晚一定会好多人… 我哋呢一日约咗1900，去到时候大概1910…一入到去餐厅就见到坐满晒人净系得返一张二人枱，因为我哋book嘅系三人，所以就觉得有啲奇怪… 入边有两个职员，一个系识讲广东话，佢同我哋讲话其中有一台好快就会走，叫我哋等一阵，就安排咗我哋坐Bar枱… 但系我哋等咗10分钟左右都唔觉得𠮶两个人会埋单… 我谂𠮶个职员见到我哋都有啲唔耐烦，所以佢就叫咗其中一张明显刚刚坐低嘅枱搬去二人枱，就让张四人枱俾我哋… 因为𠮶张枱系门口位，其实都真系有啲热，加上佢呢间餐厅冇乜冷气… 坐喺度咩都未做，其实已经开始流汗… 但系谂住如果啲嘢好食嘅话其实都冇乜所谓… 去到点餐嘅时候，我哋都有睇过好多食评就话佢哋𠮶个烤全鸡好食，所以其实都已经大概决定咗会点烤全鸡，另外就系见到隔篱枱喺度食紧炒鱿鱼个样好似几好食，所以我哋就点多咗一份炒章鱼，最后就叫埋泡菜煎饼… 我哋觉得呢个份量应该都够我哋三个女仔食… 另外我哋仲有叫咗一个佢哋嘅米酒Cocktail… 一共有四杯，我哋系谂住每
我哋喺一个月之前book咗位，因为都知道星期五晚一定会好多人… 我哋呢一日约咗1900，去到时候大概1910…一入到去餐厅就见到坐满晒人净系得返一张二人枱，因为我哋book嘅系三人，所以就觉得有啲奇怪… 入边有两个职员，一个系识讲广东话，佢同我哋讲话其中有一台好快就会走，叫我哋等一阵，就安排咗我哋坐Bar枱… 但系我哋等咗10分钟左右都唔觉得𠮶两个人会埋单… 我谂𠮶个职员见到我哋都有啲唔耐烦，所以佢就叫咗其中一张明显刚刚坐低嘅枱搬去二人枱，就让张四人枱俾我哋… 因为𠮶张枱系门口位，其实都真系有啲热，加上佢呢间餐厅冇乜冷气… 坐喺度咩都未做，其实已经开始流汗… 但系谂住如果啲嘢好食嘅话其实都冇乜所谓…
去到点餐嘅时候，我哋都有睇过好多食评就话佢哋𠮶个烤全鸡好食，所以其实都已经大概决定咗会点烤全鸡，另外就系见到隔篱枱喺度食紧炒鱿鱼个样好似几好食，所以我哋就点多咗一份炒章鱼，最后就叫埋泡菜煎饼… 我哋觉得呢个份量应该都够我哋三个女仔食… 另外我哋仲有叫咗一个佢哋嘅米酒Cocktail… 一共有四杯，我哋系谂住每人试少少… 结果啲嘢食嚟到真系超级失望…
首先系个烤鸡，上网见到啲人嘅食评全部都话个烤鸡好Juicy，但系我哋𠮶份烤鸡嚟到超级干，系干到连平时钟意食鸡胸嘅朋友都话顶唔顺… 个感觉就好似𠮶份烤鸡已经煮熟咗一次，然后佢哋再放入去个炉度焗多一次，搞到成份鸡完全冇Juicy𠮶个感觉… 之后我哋点咗𠮶个Cocktail，我哋拣咗四只味，但系唔知点解个职员完全好似冇留意我哋叫啲咩味，系比错咗味道我哋… 我哋每人都试咗少少𠮶几只味，分别系yoghurt Yuzi, yoghurt peach, Cranberry Peach, Grapefruit 味… 呢杯嘢嚟到只系得一个字可以形容就系甜… 𠮶种味极度人工味… 完全冇谂过会系咁样… 有两杯直头饮咗一半都饮唔落… 嚟到嘅炒章鱼系最正常，但系一啲都唔特别，啲章鱼嘅份量仲要劲少… 然后我哋都夹硬食咗大半份全烤鸡，差唔多食咗个几钟，我哋𠮶份泡菜煎饼都未到… 但系认真讲其实都已经唔想食… 一来啲嘢已经唔好食依类就系我哋坐喺门口位成间舖头又冇乜冷气… 特别系𠮶个职员出出入入，每一次出去都唔闩门，令到我哋坐喺门口位嘅人超级热…
呢间餐厅仲有一样特别嘅嘢就系，每一次有人入嚟好明显都系book咗位，但系就唔会见到佢会有位留俾人… 而且职员好明显都唔知道当日嘅Booking咁样… 每一批人入嚟其实都有呢个情况… 所以如果系book咗八点几嘅人，其实佢哋嚟到系一定冇位… 啲职员完全不在状态，落错单、又漏单、又控制唔到啲Booking… 去到埋单嘅时候，连可以用啲咩信用卡埋单佢哋都唔知道… 唔知佢哋两个究竟系part-time定系点样，但系呢个情况真系令到我哋三个好无奈，仲要系一餐生日饭… 最后我哋坐喺呢间餐厅度大概一个半钟左右就赶住离开… 我哋望吓张单好明显佢系冇落到泡菜煎饼… 但系我哋都冇打算再讲啲咩只系想离开呢一间餐厅… 所以真系唔明啲好评系点样嚟… 已经冇服务可言，啲嘢仲要系唔好食… 我系完全唔会再嚟，亦都唔会推荐任何朋友嚟呢度…
韩式烤全鸡
$288
58 浏览
0 赞好
0 留言
辣炒章鱼
$188
61 浏览
0 赞好
0 留言
Rice Wine Cocktail
$245
37 浏览
0 赞好
0 留言
张贴
