Butcher & Baker Cafe (已結業)

假日chill 一chill Banana cake 好味，阵香蕉味唔假，红莓muffin 同迷你牛角包普通，有啲新鲜杂莓酸酸甜甜，清新啲。下次可以净系买啲包走，唔堂食。 份量都几多，最好同人 share， 一个人食太饱啦，尤其系个 muffun 好大个。 牛角包唔够香，又唔够脆，可以再做好啲。咖啡附上homemade 曲奇一块。 味道ok，配呢度环境饮，不错。 餐厅环境好舒服，好大，好似身处外国咁，有好多花同植物，感觉relax! 小朋友仲有地方玩，仲可以自己整新地食！ 牛扒好味，话明叫 butcher，牛扒点可以差。切落去仲好 juicy, 有好多汁，刚刚好 5 成熟。  早餐牛扒都已经唔错，相信晚餐嘅牛应该仲正，下次要试。炒蛋要扣分，炒过龙，唔滑。早餐食物质素普通，不过呢啲环境正系唔错，朋友话呢度晚餐好食啲，下次再试过。