亞萊嘜嘜 (已結業)

简简单单食餐泰国菜，边食边好似去咗泰国食咁，因为餐厅煮出泰式地道风味，多谢朋友仔食完元朗分店后推介畀我，荃湾呢间都唔错，近千色，好就脚。泰式肉碎生菜包 肉碎炒得好松化而且又唔系好辣，辣度啱啱好，好惹味，用生菜包住食口感好爽，生菜处理得好爽脆。泰式香芒蟹肉炒饭第一次食用芒果用嚟炒饭，味道估唔到又几好㖞，特别一赞系有劲多蟹肉呀，啖啖蟹肉入口，又唔使自己拆肉，呢个饭食得好满足。咸青柠梳打冰好少见到泰式梳打用既系咸青柠，餐厅将咸青柠腌得非常入味、非常咸，爱咸一族一定会好钟意，受唔到咁咸既话，建议唔好笃咁大力，又或者叫餐厅畀糖水你倒入搅伴饮。香芒黑白糯米饭未食已经闻到泰国芒果既味道，新鲜泰国芒果肉熟度刚刚好、甜度刚刚好，再配沾有椰酱既黑白糯米饭，口感烟烟靭靭，完满咗一餐饭。