平昌

营业中

休息中

平昌韩烧我之前有食过旺角分店，已经觉得好多嘢食好抵食，同埋气氛好好。今日行过乐富商场竟然见到呢度都有平昌，我时间尚早大约18:00，所以完全唔使等位。一边环境装修都非常干净企理，每张枱之间都有一定嘅距离，唔会觉得好迫夹，地面上唔会痴痴立立，非常企理。都系好有韩国气氛坐圆凳，圆凳下便系可以摆自己啲袋。我哋拣咗大君御膳套餐，可以有120分钟进食，平日成人价钱$228。我觉得大君都已经好多嘢食，牛肉种类已经有八款，我特别推介001( LA牛扒 )同002 (调味烤牛肉)，好好食，忍唔住encore咗几次。海鲜都有几6款，有青蚝，鱿鱼，鲭鱼柳，半壳扇贝，虎虾，调味鳗鱼。我个人最喜爱就系半壳扇贝同埋虎虾，够晒大只同新鲜。