Wagyu Ya (已結業)

要食靓和牛唔一定要飞鹿儿岛，去尖沙咀就食到！呢间新餐厅好用心制作，我仲好欣赏佢嘅食字，Why argue when you have wagyu 😆Carnivore $888 一嚟到时大家都双眼发光，拼盘有A5和牛西冷、A5和牛肉眼、牛舌、牛舌薄切、牛小排、牛柳条、牛肩胛，师傅建议先食牛小排、牛柳条、牛肩胛，呢几款油脂无咁多，可以单纯享受吓肉香先😋 牛舌薄切我个人觉得太薄太细块，但厚𠮶款真系不得了，轻轻烧过后，嫩到不得了，入口就化开咁☺️，同行朋友系个单身汉，都忍唔住同条牛舌交缠咗一阵。到压轴A5和牛，肉眼油脂丰富，望落已经好吸引，食落真系好似大拖拿咁，只溶喺口🤤 西冷就带有浓浓肉味，肉质软稔，油花平均，食落都有溶化嘅感觉。黑松露和牛他他 $98 老实讲，我同朋友都食唔出有黑松露，可能餐厅未finalize个食谱 (?)，但取而代之，个芝麻香将成个和牛他他都升华咗，滑溜嘅口感加埋外层少少炙过嘅油香，配埋底下嘅沙律菜，好清新。Wagyu Ya和牛三文治 $388 师傅调味调得好好食，炸衣唔知点解带有酸酸甜甜嘅味道，所以食落外脆内嫩，而且酸甜中和咗和牛嘅油腻感，唔会好腻，好好食。和牛鹅肝丼