樂酒場 がくさかば

成日喺呢度饮酒都会经过呢间餐厅，睇落去好日本风，好似去咗东京大阪一样。不过一直冇机会试，今日咁啱约朋友食饭，原来佢都好想试呢间，咁就一于上嚟试吓啦。一去到门口已经觉得呢度好靓，霓虹灯再加超和风嘅居酒屋，香港真系揾唔到。而且呢度仲有榻榻米坐，真系好似去咗日本咁呀。呢度嘅食物完全唔贵，性价比好高。我最欣赏嘅就系呢个烧三文鱼层层叠，侍应真系会拎个火枪嚟烧，啱晒打卡。而且佢食落都好新鲜，三文鱼嘅鱼油啱啱好，真系做得好出色。以我朋友就最钟意呢个五点刺身盛，呢度嘅刺身非常新鲜，而且好厚切，但系价钱完全唔贵，识落好重鱼味，但又完全唔腥，连我唔钟意食刺身嘅人都觉得好好食呀。另外呢个点心炸虾都好得意，佢系用类似童星点心面嘅袋装住两条炸虾，又系非常适合打卡。而且佢唔系净系得个样咁简单，食落好特别，用童星点心面包住虾再拎去炸，外脆内嫩，而且虾都好新鲜。呢间餐厅又靓又抵食，而且环境好好，同埋我见到佢嘅清酒都卖得好平，真系好适合一大班朋友gathering，我都一定会再嚟啊。