影片
更多
2009-08-11
6 浏览
同成班朋友喺总统戏院果边食完饭, 特登走过嚟试吓, 其实之前都食过, 觉得都ok, 不过就要排队, 所以今次都预咗要排. 去到等位, 又冇椅子喺门口坐, 又冇风扇吹, 真系想热死人咩!! 之前旺角果间都唔系咁既, 真系差好远. 唔通真系以为自己出名咗少少就可以怠慢客人咩! (唔知会唔会唔同老细)入到去坐低咗就发现.....好逼呀!! 不过冇办法啦, 鬼叫多人咩, 做生意就梗系放到10张枱就放够12张架啦. 我哋4个人叫咗3份雪花冰+1个豆腐花. 落完order, 等咗大概10分钟, 我果份朱古力雪花冰到咗, 佢一放低, 我就呆咗... 点解细份咗咁多既??? 我之前食过系两个人都食唔哂架㖞..... 我即时好唔开心, 因为除咗雪花冰既份量细咗, 就连配料都少咗好多, 最特别既系, 连只碟都细埋, 都几高招㖞. 之前觉得30几蚊真系唔系平, 但系有返咁上下份量都可以搞受, 但系依家价钱冇变, 全碟份量连只碟都变细咗, 就真系好过分啰=_= 搞到我成哋班扫哂兴, 我个 fd话喺葵芳果便食过间分量咁上下,味道ok但系价钱平一倍, 不过就系冇得坐.之后个fd既杏仁冰, 食落好似杏霜咁, 其实做
去到等位, 又冇椅子喺门口坐, 又冇风扇吹, 真系想热死人咩!! 之前旺角果间都唔系咁既, 真系差好远. 唔通真系以为自己出名咗少少就可以怠慢客人咩! (唔知会唔会唔同老细)
入到去坐低咗就发现.....好逼呀!! 不过冇办法啦, 鬼叫多人咩, 做生意就梗系放到10张枱就放够12张架啦.
我哋4个人叫咗3份雪花冰+1个豆腐花. 落完order, 等咗大概10分钟, 我果份朱古力雪花冰到咗, 佢一放低, 我就呆咗... 点解细份咗咁多既??? 我之前食过系两个人都食唔哂架㖞..... 我即时好唔开心, 因为除咗雪花冰既份量细咗, 就连配料都少咗好多, 最特别既系, 连只碟都细埋, 都几高招㖞. 之前觉得30几蚊真系唔系平, 但系有返咁上下份量都可以搞受, 但系依家价钱冇变, 全碟份量连只碟都变细咗, 就真系好过分啰=_= 搞到我成哋班扫哂兴, 我个 fd话喺葵芳果便食过间分量咁上下,味道ok但系价钱平一倍, 不过就系冇得坐.
之后个fd既杏仁冰, 食落好似杏霜咁, 其实做依d冰, 唔系用新鲜野整就一d都唔出奇, 但系menu系写住"生磨杏仁", 咁就好过分啰 咁贵又咁细, 仲要呃人唔系真材实料, 真系好失望, 最后牛奶冰到, 都已经冇哂期望, 所以觉得都可以, 味道唔错, 但系d小丸子真系好细粒, 仲细粒过珍珠, 都只系得10粒, 唉...... 真系好珍贵......
到最后仲未提过碗豆腐花, 因为食完冰都未到, 催一催之后, 再等3分钟就到啦, 唉...... 以后想我再推介依间野俾d fd都难呀
张贴