影片
更多
2019-12-10
807 浏览
话说响湾仔返工嘅我放工之后要响同区上堂，放工后就咋咋林响附近医下肚。其实我系唔系好敢去檀岛食，因为好耐之前食过一次，食物质素同环境卫生情况都麻麻地，可能始终有啲历史，餐具杯碟比较残，啲台好似点抹都系唔干净咁😅😅 再加上又唔系特别平，所以即使响附近返工好一段日子，我都唔系成日帮衬。今日如果唔系因为赶赶地时间都未必会入去食，但系我觉得食物质素好左㖞～ 可能系冇期望，所以反而有惊喜😃😃因为太赶同太肚饿冇影到相。我叫左个下午茶餐（总之两点半后就可以叫）嘅吉列猪扒意粉连餐饮$53。块猪扒薄薄地但系炸得好脆好香口，啲炸粉都系薄薄地，绝对唔会粉多过肉，同埋一啲都唔油，仲要即刻炸俾你，响严寒嘅冬天食系一流，个人即系暖晒～～意粉同啲酱汁都中规中矩啦，茶餐厅质素，味道都唔错。虽然未至于话好食到飞上天果啲，但系食嘅时候的确系食得好开心好满足㗎☺️☺️😊😊同埋我觉得杯热菜蜜好好饮，唔会太甜，清清地咁。整体黎讲系改变左我对哩间餐厅嘅印象，有可能系黄昏时间唔算太多客人嘅时间，厨房同侍应都冇咁忙，煮嘢同服务都好啲啦。香港难得有哩啲老字号茶记，希望可以保存落去啦～
其实我系唔系好敢去檀岛食，因为好耐之前食过一次，食物质素同环境卫生情况都麻麻地，可能始终有啲历史，餐具杯碟比较残，啲台好似点抹都系唔干净咁😅😅 再加上又唔系特别平，所以即使响附近返工好一段日子，我都唔系成日帮衬。今日如果唔系因为赶赶地时间都未必会入去食，但系我觉得食物质素好左㖞～ 可能系冇期望，所以反而有惊喜😃😃
因为太赶同太肚饿冇影到相。我叫左个下午茶餐（总之两点半后就可以叫）嘅吉列猪扒意粉连餐饮$53。
块猪扒薄薄地但系炸得好脆好香口，啲炸粉都系薄薄地，绝对唔会粉多过肉，同埋一啲都唔油，仲要即刻炸俾你，响严寒嘅冬天食系一流，个人即系暖晒～～
意粉同啲酱汁都中规中矩啦，茶餐厅质素，味道都唔错。虽然未至于话好食到飞上天果啲，但系食嘅时候的确系食得好开心好满足㗎☺️☺️😊😊
同埋我觉得杯热菜蜜好好饮，唔会太甜，清清地咁。
整体黎讲系改变左我对哩间餐厅嘅印象，有可能系黄昏时间唔算太多客人嘅时间，厨房同侍应都冇咁忙，煮嘢同服务都好啲啦。香港难得有哩啲老字号茶记，希望可以保存落去啦～
张贴