辛味屋

营业中

休息中

附近有间服装铺大减假，行完之后黎左呢边揾野食，见到咖哩乌冬几吸引就入左黎食。平日八点几，无人等，随便坐，店员服务态度好随便，中唔中意就睇人啦，我无乜所谓。叫左吉猪咖哩乌冬餐，有前菜同汤，几好食既薯仔，够冻。面豉汤正常，好难伏。咖哩乌冬好香，质地系稀既，因为佢系汤，唔系汁，但都十分够味，足料，好味，唯一可更好既系个乌冬，唔弹牙，超市买既都会弹牙过佢。个猪扒正常啦，呢个价位，干干地算系咁，唔难咬，唔会奢求佢好多汁，所以呢个算系合格。另外加左$25要个可乐饼，其实即系薯饼，乐食㖞，又脆又香口。都讲过店员态度几随便，一路食一路听到佢同厨房用普通话倾计，引起我注意既系佢一句「搞甚么飞机」。我都系望一望之后继续食野。