板長壽司 (已結業)

终于等到放工！仲要第二日系假期，今晚一于同屋企人出去食慰劳自己又报答家人！去开荃新天地又想食寿司，就黎左板长啦！等左一阵入左张卡台度，饿啦快Ｄ叫野食先！佢有放题同散叫拣，我地食量唔大就散叫啦，而且心谂质素应该好Ｄ啩，不过真系一厢情愿......我地咩寿司都叫Ｄ，例如三文鱼，炙烧三文鱼，鳗鱼，芥末墨鱼军舰，蟹子军舰等，总括黎讲，旧饭几大，想食饱既就唔会失望，但好散，无咩饭味。而上面Ｄ鱼都麻麻，新鲜度一般，虽不至于食坏人，但黎食寿司就系想食鲜味嘛！我地仲叫左个冷乌冬，Ｄ料都几足，有鸡丝，青瓜丝，温泉蛋等，都系份量唔错，味道一般！不过其实都唔好对板长有太大期望，当佢要做放题，其实表示食品质素已不如前，想用量化吸引人，如果系咁真系叫人唏嘘！