影片
更多
2022-12-27
128 浏览
☆ 梦中环和安里1-3号德和大厦1楼101号舖生日嘅时候黎左呢到食饭庆祝，食得好开心，一直念念不忘，于是乎衬佢一转冬天menu就再黎试下(๑˃̵ᴗ˂̵) 每一道菜都好精致，无论系食物定系器皿都好似艺术品咁，真系好吸引(〃ω〃)因为系无menu，所以我会跟相嘅次序写，等大家易睇d，唔等于系食用次序黎架。✦ 季节怀石 - 冬季❆师傅亲手画嘅画，春夏秋冬每转menu都会跟住转唔同嘅画，每幅都系人手画，之前食系秋天，而家冬天都仲系好靓。红色个料豆子低温白芦笋，中间系炸番薯，然后系慢煮八爪鱼士多啤梨汁，最上方体个旧系粟米水做嘅果冻，每一款都好好味，一啖一款，作为前菜认真一流，而我最钟意嘅系慢煮八爪鱼同白芦笋。❆日本春卷皮做挞底，慢煮嘅方法处理𩽾康鱼干，再配左青苹果啫喱同西班牙柿，一啖放晒落口，满足！特别一提盛载野食个器皿叫海洋之眼，店员教我地用电筒系个底射上去，哗！即刻唔同感觉，好靓呀！❆呢个一上枱就已经觉得好正，雪人仔好得意好冬天，入面有3款刺身，有平目鱼(右)深海池鱼(屋仔入面)鲭鱼(左)，食嘅次序都系左至右，由淡味开始食到浓味，每款都各有特色，好鲜味。❆黑色呢个系墨汁加咗落西米度做咗米纸，面头
☆ 梦
中环和安里1-3号德和大厦1楼101号舖
生日嘅时候黎左呢到食饭庆祝，食得好开心，一直念念不忘，于是乎衬佢一转冬天menu就再黎试下(๑˃̵ᴗ˂̵) 每一道菜都好精致，无论系食物定系器皿都好似艺术品咁，真系好吸引(〃ω〃)
因为系无menu，所以我会跟相嘅次序写，等大家易睇d，唔等于系食用次序黎架。
✦ 季节怀石 - 冬季
❆
师傅亲手画嘅画，春夏秋冬每转menu都会跟住转唔同嘅画，每幅都系人手画，之前食系秋天，而家冬天都仲系好靓。
红色个料豆子低温白芦笋，中间系炸番薯，然后系慢煮八爪鱼士多啤梨汁，最上方体个旧系粟米水做嘅果冻，每一款都好好味，一啖一款，作为前菜认真一流，而我最钟意嘅系慢煮八爪鱼同白芦笋。
❆
日本春卷皮做挞底，慢煮嘅方法处理𩽾康鱼干，再配左青苹果啫喱同西班牙柿，一啖放晒落口，满足！特别一提盛载野食个器皿叫海洋之眼，店员教我地用电筒系个底射上去，哗！即刻唔同感觉，好靓呀！
❆
呢个一上枱就已经觉得好正，雪人仔好得意好冬天，入面有3款刺身，有平目鱼(右)深海池鱼(屋仔入面)鲭鱼(左)，食嘅次序都系左至右，由淡味开始食到浓味，每款都各有特色，好鲜味。
❆
黑色呢个系墨汁加咗落西米度做咗米纸，面头有北海道牡丹虾、法国嘅鱼子酱，橙色嘅系虾膏，枝豆蓉，有d金箔感觉又再高贵d，好似食pizza咁咬黎食，米纸好脆口，加上面豆嘅各种酱好香口惹味，真系好爽呀！
❆
虽然细细条但一上枱都霸气十足，店员话佢叫目光鱼，系深海入面对眼会发光，原条咁食，全部都系软骨好脆口！
❆
左边系红菜头做嘅脆筒，入面系新西兰龙虾，d cream都系用龙虾打成，右边由下至上系莲芋、松叶蟹肉、大闸蟹膏，2样都好精致好好食，一啖放晒落口，好鲜味。
❆
呢款系由带子、花竹虾、赖尿虾同鱼肉一齐做左个fishball，面头有d日本食用菊，仲有个好靓樱花造型嘅百合，再配左一d炸左嘅稻穗，几重口感，个fishball劲好食，各款海鲜都好鲜甜弹牙，好味！
❆
面头系用九州粟米做左个cream，下面系京都豆乳，粟米味浓又清甜，豆乳做到豆腐花咁好滑，一齐食好好味。
❆
个盒一上枱个时觉得好得意，好似柜桶咁拉出黎，入面系日本水果茄串埋莲芋，面头系草莓做嘅分子料理泡沫，好清甜，同埋可以清下口腔。
❆
面豉汤好多料，个盖好似有个心形咁♡
❆
甜品有山形县梨、北海道蜜瓜、自家制海盐雪糕
生果劲甜好好味，雪糕都好味，雪糕筒入面仲有d红豆蓉，好得意。
呢到每3个月嘅10号就会转menu，岩岩12月开始转架咋，如果大家想试冬季menu就睇住时间黎啦٩(^‿^)۶
张贴
