上海飽餃店

营业中

休息中

每次去到都有一种做皇帝既感觉，因为每次去到都唔驶我出口点野食就有人服侍，每次都系由女朋友发牌，有时啲野食黎到，我都唔知果啲系咩，只知道佢叫既野食都好啱我胃口，实在太好味喇！小笼包虽然唔及果间？泰丰既皮薄，但系佢既猪肉＂涵＂真系好新鲜，蒸出黎之后皮里充满肉汁，但皮依然唔穿，值得一赞！一旧一口，啱啱好，唔会太大又唔会太细，唔似得啲酒楼咁，大到食都食唔到，啲皮又厚过我啲脸皮，但一夹起，啲汁就溜哂出黎，真系食到＂把鬼火＂，喺香港要食到又好味又抵食既小笼包真系只有呢度，我念绝无第二间。到食花素蒸饺，虽然无浓浓既肉汁或者特别既材料，但系蒸饺里面既唔知咩菜真系好新鲜，可以食得出系即日包出黎，虽然只有菜，肉都无一旧，但系店铺既调味调得好好，味道同蔬菜既味道互相配合，绝对系清淡之选。再值得一提既系豆浆都好好饮，甜味适中，豆味浓郁，又唔会有浓味，可以饮得出店主用左好多豆黎磨豆浆，所以绝对要试。