瓜破菓子店 (Life@KCC)

营业中

休息中

个样好似旧石咁，但其实系一个蛋糕嚟。见到厨窗几靓，所以就买咗件嚟试，佢个名叫 襌Zen, 正好啱我而家嘅生活，我真系需要襌啲。蛋糕分为三部分，外层灰色𠮶层，中间cream, 同最入面有啲crunchy 嘅脆脆. 外层系白味噌云呢嗱，中间系白朱古力焦糖忌廉，最入面系榛子脆脆。食落个感觉好好笑，我以为佢外层系硬嘅，仲几大力咁切落去，点知原来系软身，好似mousse 咁，第一啖系有啲似食梗布丁mousse 咁，睇返相先记得，呢个系白朱古力为主嘅蛋糕。虽然白朱古力都系好甜，但feel 到已经少甜咗好多，白朱古力味都几岀，cream 好滑，好食，入面啲脆脆都唔错，加埋啲脆脆食，成个就无咁甜，反而有带岀咗白朱古力云呢嗱嘅味道，确实唔错。其实呢间未有实体店前已经帮衬过买蛋糕㗎喇，就系好食先再嚟买，绝对值得再去买第三第四次。