影片
更多
2021-08-19
243 浏览
美食博览喺几个礼拜之前已经圆满结束，我就当然唔执输去睇吓有乜嘢平嘢买啦！喺去吓美食博览之前，首先要医饱个肚先有力气作战，即刻谂起自己一路都好想试吓嘅一间餐厅，咁就梗系唔好错过呢个机会去试吓！呢间餐厅不论门口同里面嘅装修都系走泰国街头风。全场嘅工作人员都系泰国姐姐，而且一路都播住啲泰文歌，感觉上真系好似置身喺泰国一样超正！我今次就叫咗个我最钟意食嘅泰式猪手饭，一个猪肉炒金边粉(Pad Thai)，一杯泰式奶茶同埋一份芒果糯米饭。呢个猪手饭我觉得有80%泰国嘅味道，佢嘅猪皮好QQ，而且猪肉只需用餐具就可以完美咁松开。而且佢个味道亦都有好香浓嘅卤水味，佢仲免费附上微酸嘅猪肉碎汤，啱晒夏天食用。唯一一个美中不足嘅地方就系佢冇酸菜，如果有嘅话就一定Perfect啦！至于佢嘅金边粉入口微酸，同当地食到嘅都有啲相似㗎，不过略嫌比较湿，但系整体都不错吃。泰式奶茶反而因为佢用咗淡奶所以感觉争紧啲，不过因为佢用返泰国本地嘅茶叶去冲制，所以茶味同泰国饮到嘅一模一样架。最后佢嘅芒果糯米饭我真系极度大推介！呢个芒果糯米饭只需要$40，但系份量就好多，好啱两个人一齐share食，而且佢嘅饭系热辣辣新鲜制造，味道同
呢间餐厅不论门口同里面嘅装修都系走泰国街头风。全场嘅工作人员都系泰国姐姐，而且一路都播住啲泰文歌，感觉上真系好似置身喺泰国一样超正！
我今次就叫咗个我最钟意食嘅泰式猪手饭，一个猪肉炒金边粉(Pad Thai)，一杯泰式奶茶同埋一份芒果糯米饭。
呢个猪手饭我觉得有80%泰国嘅味道，佢嘅猪皮好QQ，而且猪肉只需用餐具就可以完美咁松开。而且佢个味道亦都有好香浓嘅卤水味，佢仲免费附上微酸嘅猪肉碎汤，啱晒夏天食用。唯一一个美中不足嘅地方就系佢冇酸菜，如果有嘅话就一定Perfect啦！
至于佢嘅金边粉入口微酸，同当地食到嘅都有啲相似㗎，不过略嫌比较湿，但系整体都不错吃。泰式奶茶反而因为佢用咗淡奶所以感觉争紧啲，不过因为佢用返泰国本地嘅茶叶去冲制，所以茶味同泰国饮到嘅一模一样架。
最后佢嘅芒果糯米饭我真系极度大推介！呢个芒果糯米饭只需要$40，但系份量就好多，好啱两个人一齐share食，而且佢嘅饭系热辣辣新鲜制造，味道同我喺泰国食到嘅系完全一模一样㗎！
总括嚟讲我都推荐大家去呢间餐厅感受下Chill下，我喺呢个用餐时间我真系觉得自己好似去咗泰国咁㗎，喺呢个暂时冇得飞嘅情况底下，喺呢度都的确揾到一阵泰国嘅光景㗎，大家有兴趣就试吓啦！
张贴
