意樂餐廳 (曼坊)

营业中

休息中

𠮶日去揾朋友一齐食饭，佢就推介左意乐：咁一去到两个人都睇中左个黑松露炒饭，跟餐有嘢饮我就饮咗杯奶茶。然后再叫个芝士薯条。个黑松露炒饭有烟肉有蘑菇，烟肉同蘑菇嘅味道我食得出。但系落足咁多黑松露落去我系小小味都食唔出。香味来讲呢算系中规中矩啦。个饭系好大份嘅，一个普通嘅炒饭来讲呢算系值回票价。但系$43唔使旨意食到啲好靓嘅黑松露炒饭。芝士薯条个方面呢，薯条粗身咬落去啖啖都系薯仔，但系数量呢就少咗啲。芝士酱系非常之足料嘅，好大盘。食得出嘅芝士味有巴马臣芝士同埋车打芝士。食完啲薯条仲剩低半盆芝士酱，最后可以拎佢嚟捞饭。不得不提芝士酱配黑松露炒饭，其实个口感都唔错。