利豐廚房 (已結業)

系度食饭已经食左无数次，终于的起心肝帮呢间野写一次食评。唔好睇佢铺头细细，老板同厨师大有来头！煮过俾好多高官明星食，以前做亲都系D5星期酒店做总厨；佢地话煮过俾某总统食(唔知真定假！)原来老板系半退休，所以特登揾间咁细既铺做，话唔想太辛苦。但我觉得真系好细同位置唔太理想！今晚3个人当然先点个照牌菜：烤羊架，老板话系内蒙由当地游木民族传授"烤全羊"，但香港人食唔到全只羊所以转用羊架！口味又融洽反香港人口味而改善左。味道同肉质唔使讲，睇相已经流晒口水！$128咁大份，平到震。不过要等成30分钟！同时，我地又叫左每日限量的乳鸽。佢D乳鸽系用BB鸽，所以皮薄肉软。皮唔会好脆，但味道好正，识身的人一定知我讲咩。，最后食完饭倾计时我地仲叫多只送酒添然后，叫左个无咩人识食的上汤猪润。老板煮得刚刚熟，厚度适中，咬落弹牙但无渣。呢D旧派菜式只会系廿几年前的凤城先食到咁好手势的！本来想叫个冰镇鲍鱼，不过卖晒，所以变左个豉椒炒竹圣子皇，好抵食！事先叫老板留左只蟹，食姜葱炒蟹。我已经食左好多次。因为佢炒得真系好靓好靓！唔计只蟹几大只，就算你去西贡食海鲜都食唔到咁好手势。每次食佢的炒蟹，只蟹干身得黎D肉仲系软同