Duke's Deli (已結業)

上两个星期同好朋友聚会, 我地系一行3人系 iSquare行左一阵, 原本谂住揾个地方食下野倾下计。行左一阵都唔知食咩好, 因为太多食店都唔知如何选择,之后我地行到3/F 的Duke's Deli 时觉得店内坐位好舒适, 之后我地一行3人就入左去食。当见到餐牌时我地已经觉得好超值, 于是我地叫左一个pizza餐, 一个芝士汉堡餐加多一个半份的牛柳面包餐。原本餐牌上的饮品只有冻柠檬茶同可乐, 但问左侍应哥哥可唔可以转热饮佢话唔可以只好饮冻饮, 但当餐饮黎到时有一个惊喜就系帮我地转左热饮仲好大杯TIN 。见到杯饮品已经好开心, 之后黎埋第一个餐 pizza 餐。又一个惊喜的系好大件同好丰富, 食呢件pizza 同出面的pizza好唔同, 因为入口唔太油仲有口感而料就非常足料唔会好似出面果D 咁得好少, 而沙律就麻麻因为系酸沙律(好似KFC果D ) 唔系人人都食, 但D 薯条超好味一句讲晒正。而芝士汉堡餐黎的时间我地仲开心, 因为见到个包好大个而芝士开始溶我地见到真开心, 当我地食的时候就觉得D 肉汁好丰富而芝士就咸左少少但整体都好好味, 但呢个包就一定要热食, 因为冻左口感同味道就麻麻地。