Le Three (已結業)

本身好少黎开观塘区食野，同朋友玩完攀石之后想食番餐西餐医肚，行行下发现呢间西餐厅 Le Three 装修几吸引，入面系仿希腊风格，望埋餐牌发现食物几啱口味，就决定入去试下啦😋我同朋友两个人叫左两个set dinner ，另外加左客吉列紫薯饼，沙律同埋甜品👍首先黎嘅系餐汤- 烟肉薯仔忌廉汤比想像中淡口少少，薯仔打成蓉加埋用黎调味嘅烟肉粒口感好顺滑，味道唔会过浓影响之后嘅菜式👍然后就黎左三文鱼藜麦沙律用料唔会好似出面一般西餐厅嘅沙律咁敷衍，菜类多，包括有羽衣甘蓝，西生菜，火箭菜，蜜瓜，车厘茄等等，再加上主角三文鱼同藜麦，配埋微酸嘅沙律汁好醒胃，感觉亦十分清新健康。跟住就到小食-吉列炸紫薯饼啦!总共有四块，炸粉唔会过厚，紫薯味浓郁不腻，中间更加加左应该系栗子粒去增加口感，好快就清晒四旧!之后就到主菜啦!第一个系照烧汁厚切比目鱼扒呢道菜十分有惊喜，因为鱼扒处理得啱啱好，厚身得黎够嫩滑亦完全无腥味，唔会话一部份唔够熟另一部分过熟，皮煎得香脆，配上微甜嘅照烧汁吊吊味令人食指大动👍👍 配菜方面有微煎过嘅脆玉瓜，车厘茄，茄子等等，感觉清新。另一味主菜系红菜头汁鸡肉鲜虾阔蛋面，之前好少食有红菜头元素嘅菜