629雞蛋仔

营业中

休息中

以前食過一次雞蛋仔，今次一於試下食格仔餅。好彩係平日下午，唔算多人排隊，好快就落到單。目測少啲人叫格仔餅，可以唔駛等太耐～有好多口味揀，個人偏好食原味，所以叫咗一底原味格仔餅。我哋兩個人食，老闆有問要唔要切半，又提醒要平放咁拎，以免漏晒汁，都幾貼心。.呢個格仔餅真係好厚😂比平時食嘅係double咁厚😂即食熱辣辣，咬落外脆內軟，好香，配埋邪惡嘅醬，幾出色～27蚊呢個質素、呢個份量真係抵食，下次經過會再食😋.