好叉好味 (百家利中心) (已結業)

好叉好味， 唔同嘅人有唔同嘅解读 ，伪文青 😛就解读为， 好叉烧， 好好味 。😋个名改得好特别 ，仲要有好多间分店， 即系名副其实嘅好味啦！😘 我哋一人拣一个餐试下， 一个系叉烧菜饭 ，一个系烧鸡肉沙律配柚子汁 ，两个餐上面都有一个好靓嘅荷包蛋， 叉烧同鸡肉嘅份量都好多， 保证食得饱 。最值得一赞既系， 呢间餐厅好环保， 用纸盒而唔系塑胶盒 ，设计仲好靓好有友善， 系高身圆形设计， 就算女仔只手好细，都可以揸住个盒食饭， 叉烧切到四四方方一嚿 ，瘦多肥少 ，一啲都唔柴， 烧鸡肉都系好多， 配埋沙律柚子汁 ，超健康 超好味。 而且价钱唔贵 ，唔使60蚊就有一个餐 ，唔怪得分店越开越多 ，咁环保嘅食肆值得推荐。👍👍