影片
更多
2013-11-09
9935 浏览
又继续「好友狂尝曲」赠食系列，依次分享嘅喺2005年开业嘅Jenny Bakery，珍妮卖曲奇卖到开巷，由赤柱卖到出市区， 由港岛卖到过九龙，早阵子仲有分店晌中环，都未开铺，朝朝返工都见有人龙排曲奇，虽然大多数排队嘅都喺内地客，但都有唔少本地人，不过小弟就从未为其曲奇疯狂过，揾食随遇而安可以啦 ！就好似今次，舅仔买罐珍妮曲奇俾女友一家，志在笼络一下人心，当然，知道我依个姐夫为食，又成日帮佢手，佢自不然都要俾啲甜头笼络一下我嘅，「贿赂」费就喺8 mix果仁曲奇一罐，虽然咁大手笔，但小弟都觉得受得起架 ，因为平时都帮佢唔少嘢嘛！哈哈！ 8 mix果仁曲奇 $165 大罐嘅8 mix，净重足足730g，非常坠手，罐内填满晒一块块长形曲奇（注：图中喺被屋企人食咗几块先影，所以先见到有少少虚位）。口味包括：咖啡杏仁、腰果、杏仁罂粟籽、合桃、朱古力果仁、榛子夏威夷果仁、开心果、爪哇榄仁（唔肯定中文喺唔喺咁译，英文叫Kenari）共8款味。整体嚟讲，块块曲奇都好松脆，几重牛油香味，块块都落咗唔少果仁，有相为证嘛，所以口感确实几好，松脆中有咬口 。味道上始终以咖啡杏仁曲奇及朱古力果仁曲奇较
8 mix果仁曲奇 $165 大罐嘅8 mix，净重足足730g，非常坠手，罐内填满晒一块块长形曲奇（注：图中喺被屋企人食咗几块先影，所以先见到有少少虚位）。口味包括：咖啡杏仁、腰果、杏仁罂粟籽、合桃、朱古力果仁、榛子夏威夷果仁、开心果、爪哇榄仁（唔肯定中文喺唔喺咁译，英文叫Kenari）共8款味。
整体嚟讲，块块曲奇都好松脆，几重牛油香味，块块都落咗唔少果仁，有相为证嘛，所以口感确实几好，松脆中有咬口 。味道上始终以咖啡杏仁曲奇及朱古力果仁曲奇较为突出啲，始终带味嘅曲奇晌味道上占优少少，后者更加入咗合桃、腰果、燕麦，所以口感宁舍丰富 。至于其他款式，都以原味为主，口感分别唔太大，在乎食到嘅喺腰果、杏仁定合桃。
既然有水准，其实以份量及价钱计，都几抵食，不过，一想到要排餐蒙就，就咪搞喇，总之，多谢晒舅仔啦！
张贴
