影片
更多
2014-02-08
2510 浏览
我谂提起「囍宴」，相信啲人就会联想到佢嘅掌舵人Jacky Yu（余健志），以集中国各地方菜之大成，将亚洲多元饮食文化共冶一炉，令中菜全新创作出现于人前，风格独特，不拘一格，餐厅仲开到去上海、新加坡，真喺几成功 。除中菜以外，佢亦有推出其他产品，例如：鲍鱼、鲍鱼面、XO酱、养生汤包、汤圆、贺年糕点，今次「好友狂尝曲系列」要分享就喺食友所赠嘅「囍宴花心蝴蝶酥」，非常多谢食友咁大手笔 。 花心蝴蝶酥 $198铁盒包装，红底金字，感觉喜气洋洋，一大个「囍」字以外，仲有「年年有余」图案，绝佳嘅新年贺礼 ，不过，收依份礼之时就同过年无关，而喺贺小弟牛一嘅生日礼物。全盒蝴蝶酥净重约200克，内含4款口味，每种口味有6件，即全盒共 24件。究竟有边4款口味？唔使估估吓，翻转盒底标签就一目了然，当中有甘甜陈皮味、酸甜子姜味、香酥咸蛋黄味、香脆牛油味 。香港出品，新鲜制造，虽然有下防腐剂 ，不过保质期得30日，开封后要存放晌阴凉处，最好7-10日内食用添。 甘甜陈皮味蝴蝶酥本身做得层层松脆，极富牛油香味，陈皮棵粒只洒晌蝴蝶酥面之上，而且唔算多，但还嗒得出阵阵陈皮香味，跟蝴蝶酥几夹，之但喺稍为
花心蝴蝶酥 $198铁盒包装，红底金字，感觉喜气洋洋，一大个「囍」字以外，仲有「年年有余」图案，绝佳嘅新年贺礼 ，不过，收依份礼之时就同过年无关，而喺贺小弟牛一嘅生日礼物。全盒蝴蝶酥净重约200克，内含4款口味，每种口味有6件，即全盒共 24件。
究竟有边4款口味？唔使估估吓，翻转盒底标签就一目了然，当中有甘甜陈皮味、酸甜子姜味、香酥咸蛋黄味、香脆牛油味 。香港出品，新鲜制造，虽然有下防腐剂 ，不过保质期得30日，开封后要存放晌阴凉处，最好7-10日内食用添。
甘甜陈皮味蝴蝶酥本身做得层层松脆，极富牛油香味，陈皮棵粒只洒晌蝴蝶酥面之上，而且唔算多，但还嗒得出阵阵陈皮香味，跟蝴蝶酥几夹，之但喺稍为隐若一啲啫。
酸甜子姜味
子姜拼蝴蝶酥依个配搭喺小弟最为期待，因为子姜嘅辛酸应该能更好好平衡蝴蝶酥嘅牛油味，不过，子姜真喺落得极之手紧，比陈皮味嚟得更淡，完全未有期望中嘅效果 。
香酥咸蛋黄味
咸蛋黄真喺塑造性高，煮𩠌整饼都得，而且咸香诱人，同样，咸蛋黄加得无几，睇外观差唔多分唔到佢同原味嘅分别。真失礼，我哋几个都完全食唔出咸蛋黄嘅咸香 ！
香脆牛油味
即喺原味，无加入任何配料，不论味道或口感，都做得上乘，香甜酥脆，真喺令人食唔停口。
我事后想再上网查查囍宴花心蝴蝶酥嘅资料，原来早前曾出过团购，而当时无论文字嘅介绍，抑或相片嘅展示，都极为吸引。以下辑录咗𠮶次团购嘅相片，配料嘅份量，以及卖相，真喺同我收到𠮶盒有啲天渊之别 㖞！
饮食可以创意无限，单睇曲奇就可见味道可以千变万化，所以要突破蝴蝶酥的传统规范，个人觉得唔算咩新奇事，但以陈皮、子姜、咸蛋黄嚟加入蝴蝶酥之内，口味几崭新，相信晌将来会见到更多独特奇美嘅口味，希望将来再有机会试嘅时候，喺「足料」版本啰 ！
张贴
