美心西餅 (旺角站)

营业中

休息中

美心西饼嘅蛋糕食得多，其实佢都有出曲奇，不过，似乎记忆所及，小弟都未食过佢啲曲奇产品，今次又梗喺要多谢食友啦，赏我一包美心「榛子‧牛油曲奇」，让我有个「狂尝曲」嘅下午茶。精致嘅包装袋内一共有8块曲奇，每块净重约9克，咪以为磅过，都喺包装袋后面写嘅。据食友讲卖十零蚊包，唔算贵。不过，始终大集团连锁店流水作业模式制作，又要控制生产成本，减少损耗，出品质素要求稳定，故此，从成份所见产品都加入较多添加剂。榛子牛油曲奇跟包装袋面所见嘅一模一样，中间喺牛油曲奇，外围边喺咖啡味曲奇，入口唔可以用脆嚟形容佢嘅质感，但就咬落松化，又极富牛油香，而大大粒榛子仁好脆口，味道比想像中好。话晒美心都喺本地大型饼店之一，无理由要做件曲奇都会做得衰嘅。「狂尝曲」，唔喺因为一个人一次过食晒8块曲奇，而喺久唔久收到食友送赠嘅曲奇，等小弟经常有曲狂尝。再次多谢食友，又让「好友狂尝曲」系列食评得以延续！