影片
更多
2014-05-20
4227 浏览
隔咗几个月，又喺时候延续吓小弟嘅「好友狂尝曲」曲奇食评系列，当然，先多谢食友们嘅宠爱，久唔久送上曲奇零食慰劳小弟，仲要次次都出自唔同品牌或饼店，让小弟见识各家长短，多谢多谢 ！今次收到喺Joey's嘅出品。淡黄色手抽纸袋内，喺一包150g嘅杂锦曲奇，透明包装，最钟意喺包装袋嘅密封拉炼，唔使一次过清晒佢，食用期限一个月左右。带咗返公司，本来打算跟同事分享，但最后「缩骨」自己一个人分两日下午茶食晒 ，因为，一包有成14款唔同口味，部份味道仲多于一粒，好想试晒全部，唯有独食 ！以下对逐款曲奇写低食后感，唔好以为小弟咁叻，识晒啲曲奇名字，只喺食友细心，送上曲奇同时，更附上一张曲奇单张，印有26款曲奇嘅名字、外观，以及成份，我就可以简单啲按图索骥。 Dark Brownie Cookie 唔止加咗朱古力粉，仲加埋朱古力，唔怪之得朱古力味咁浓郁，但又唔觉甜，有朕甘苦味，松脆好食。 Sunshine Lemon 肥腻嘅牛油又搭上柠檬，完全唔同晒，牛油曲奇中渗出鲜柠清香，最有心思喺混入柠檬条，烟韧而更有柠檬香味！ England Earl Grey伯爵茶应该属于几经典嘅茶味曲奇，茶
淡黄色手抽纸袋内，喺一包150g嘅杂锦曲奇，透明包装，最钟意喺包装袋嘅密封拉炼，唔使一次过清晒佢，食用期限一个月左右。
带咗返公司，本来打算跟同事分享，但最后「缩骨」自己一个人分两日下午茶食晒 ，因为，一包有成14款唔同口味，部份味道仲多于一粒，好想试晒全部，唯有独食 ！
以下对逐款曲奇写低食后感，唔好以为小弟咁叻，识晒啲曲奇名字，只喺食友细心，送上曲奇同时，更附上一张曲奇单张，印有26款曲奇嘅名字、外观，以及成份，我就可以简单啲按图索骥。
Dark Brownie Cookie 唔止加咗朱古力粉，仲加埋朱古力，唔怪之得朱古力味咁浓郁，但又唔觉甜，有朕甘苦味，松脆好食。
Sunshine Lemon 肥腻嘅牛油又搭上柠檬，完全唔同晒，牛油曲奇中渗出鲜柠清香，最有心思喺混入柠檬条，烟韧而更有柠檬香味！
England Earl Grey伯爵茶应该属于几经典嘅茶味曲奇，茶味芳香淡雅，轻柔渗出，喺细腻品尝嘅作品。
Strawberry Kiss跟Sunshine Lemon同属一类型曲奇，不过，始终柠檬味较为突出，所以，相比之下，Strawberry Kiss会令人感觉普通咗。
Mocha Cashews 又有朱古力嘅香浓，又隐约有咖啡芳香，好味更在于香脆嘅腰果，有味道，有口感，正呀！
Double Happiness何来「双囍」？因为加入咗夏威夷果仁同开心果仁，松脆可口，口感丰富。
Macadamia Nuts with Black Sugar 虽然只有夏威夷果仁，但改用黑糖嚟做曲奇，甜味沉实醇香。
Japanese Matcha Cookie一身翠绿色影晌成碟曲奇里面最抢眼，简单加上抹茶粉制作，抹茶味香，悠然回甘。
Oatmeal & Raisin 样衰岩巉绝对喺佢嘅标记，但燕麦片配提子干，烟韧咬口，轻甜松化，相信喺有营之选。
Walnut Butter 同Double Happiness差唔多，以牛油曲奇为本，夹杂脆口嘅合桃碎，而合桃唔会碎湿湿，可惜份量唔多。
Mixed Berries Snowall有别其他曲奇嘅松脆，依个雪球入口带点柔韧，内里大致混入蓝莓及红莓干，烟烟韧韧。
Chocolate Chips Rocky依件「洛奇」无一身黝黑身形，因为曲奇只喺牛油黑糖味，内加朱古力碎粒，不过，碎粒好少，唔突出。
Olive Ring唔睇张单张都唔知，全部曲奇唯一一款非牛油曲奇，以橄榄油代替，仲要用蛋白加全麦粉，食落得确无咁香，不过，想食得健康喺有少少牺牲吓嘅。
Guihua Oolong方形嚟自英伦嘅伯爵茶味都唔错，而球形嚟自中国嘅桂花乌龙又点睇？桂花及乌龙都唔算突出，味道嚟得较为清淡，一试无妨。
从其他食评所见，Joey’s仲有其他产品，有机会要试吓佢啲蛋糕先得！
题外话/补充资料：
因为喺朋友嘅餽赠，所以，环境、服务、卫生、抵食及每人消费各栏，参考价值唔大。
(以上食记乃用户个人意见 , 并不代表OpenRice之观点。)
张贴
