影片
更多
2014-12-05
2574 浏览
小弟写食文作标题好钟意玩吓食字，纯粹贪过瘾，虽唔算作得出色，但偶有佳作咁啦。第一次听到Blesscuit个名就觉得好有心思，一间卖曲奇嘅小店，希望藉曲奇将祝福送上，Bless + Biscuit，喺咪好有意思呢 ！托食友福，又赠小弟一小盒曲奇，完全感受到佢嘅祝福。曲奇分铁盒及纸盒包装，前者份量较多（22-49块），而且每盒包含数款味道，售价自然较高（$138-$328）；至于后者，包装简约，份量细细（8块）兼单一味道，不过，定价相对较亲民（$48-$68）。虽然收到嘅喺纸盒装曲奇，但却喺最贵嘅「金钻松露曲奇」（$68），每片曲奇都喺独立包装，干净卫生。何解叫「金钻」？曲奇表面涂上食用金粉，外观更显贵气，而曲奇色泽乌黑并非嚟自松露，主要加入竹炭粉做，并非咩嘢色素，天然健康，至于味道，松露嘅幽香十分突出，好似扑紧过嚟咁 ；此外，曲奇做得薄，口感非常松脆，绝对有种意外嘅惊喜 。据食友讲，Blesscuit喺艺人陈敏芝所开，挂得自己名做生招牌，自不然用料不赖，制作认真，唔单止话喺以法国牛油、法国小麦面粉、意大利蕃茄干、天然黑糖及不同嘅外国食材嚟做曲奇，块块全人手制作，暂时虽然只有十多款口
曲奇分铁盒及纸盒包装，前者份量较多（22-49块），而且每盒包含数款味道，售价自然较高（$138-$328）；至于后者，包装简约，份量细细（8块）兼单一味道，不过，定价相对较亲民（$48-$68）。
金钻松露曲奇
$68
368 浏览
0 赞好
0 留言
据食友讲，Blesscuit喺艺人陈敏芝所开，挂得自己名做生招牌，自不然用料不赖，制作认真，唔单止话喺以法国牛油、法国小麦面粉、意大利蕃茄干、天然黑糖及不同嘅外国食材嚟做曲奇，块块全人手制作，暂时虽然只有十多款口味，但当中唔少味道甚具特色，如：红莓水果茶曲奇、黑糖腰果曲奇、鳀鱼曲奇、金钻松露曲奇……等等，听完我都心郁郁想多试几款呀 ！
幸而，收到铁盒装嘅另一食友，再分拆包咗各款味道一片嘅曲奇俾我品尝，所以，「祝福」喺可以分享嘅。4款口味除原先试过嘅金钻松露曲奇（黄色包装），仲有带点清爽怡人有少少果香嘅红莓水果茶曲奇（紫色包装）、清香橙皮味又有啲烟韧嘅香橙曲奇（粉蓝包装）及浓厚拖肥而带些咸味嘅拖肥曲奇（粉红包装）。虽然各得一片，一阵风咁就食晒，但已经令人再三回味 。
除咗钟意佢个店名，亦好喜欢曲奇包装纸上嘅文字：「baked with blessings」，再次多谢食友嘅祝福，亦祝愿Blesscuit为人带嚟更多美味曲奇及祝福！
题外话/补充资料：
因为喺朋友所送嘅小礼物，所以，环境、服务、卫生、抵食几栏嘅参考值唔大。
(以上食记乃用户个人意见 , 并不代表OpenRice之观点。)
张贴
