iBakery

营业中

休息中

身边有唔少食友都好支持小店、社企，就好似由东华三院所搞嘅「爱烘焙面包工房」（iBakery），喺以专门训练及聘用残疾人士嘅社企。之前，都试过好几次佢哋嘅出品，都喺食友所送，今次，食友趴走西环，就顺道买点心意俾小弟，实在多谢晒 ！收到嘅喺朱古力腰果曲奇口味，一包有7件（净重100g），依款口味其实已曾经试过，上次嘅印象喺上佳之作。今次再食，到底如何？曲奇入口极松脆，因为用上唂咕粉，朱古力味浓郁 ，而且，曲奇内混入唔少朱古力粒同腰果粒，要香浓有香浓，要香脆有香脆 ，再食，依然好味，水准不变。故此，天生我才必有用，残疾人士一样可以活得有尊严。一个品牌嘅建立的确唔容易，经过近5个年头嘅营运、发展、推广，都觉得「爱烘焙」做得相当成功，希望小店继续努力，更希望多啲人可以支持佢哋 ！