奇華餅家 (中港城)

营业中

休息中

今次依一篇「好友狂尝曲」有少少抽水之嫌，皆因想分享嘅两款食物，都跟曲奇无直接关系，只喺之前写过帝苑饼店 Fine Foods嘅蝴蝶酥，都当为饼店嘅曲奇系列。今次，都品尝咗奇华饼家嘅蝴蝶酥，就插咗入「好友狂尝曲」系列中写埋。若非朋友所送，都真喺唔知原来奇华都有出蝴蝶酥，而今次收到嘅喺黑白芝麻蝴蝶酥，一包只有8件，睇落似模似样，入口牛油香味突出，又有芝麻香，口感亦都好松脆，不过，明显都睇到酥皮嘅折纹唔算细致，故此，酥化度仍可以再做好啲。如果唔太贵嘅话，都好值得试吓，而我，滴漏杯肯亚咖啡，就一次过食晒成包当下午茶。至于另一包黑芝麻鸡蛋卷，无独有偶，同样喺奇华饼家嘅产品，不过，喺另一位朋友所送，依包就拎咗返屋企当口痕痕时嘅零食。奇华做开依类中式糕饼，所以，鸡蛋卷难佢唔到。鸡蛋卷内嘅黑芝麻唔喺好多，所以，蛋卷都喺以蛋香味为主，咬落好香脆，不其然，好快半打鸡蛋卷就放入肚内。写咗几篇「好友狂尝曲」，又喺时候抖一抖，下次再有曲奇食评先再次分享！补多句，真心多谢朋友们、食友们不时送我曲奇，等小分久唔久又可以写吓依个系列。