Tokyo Milk Cheese Factory (已結業)

晌旧年年底先落户香港嘅日本过江龙超人气伴手礼Tokyo Milk Cheese Factory，产品当中嘅牛奶芝士饼、艾登芝士蛋糕、海盐芝士曲奇及蜂蜜芝士曲奇喺店家主打，试过𠮶两款曲奇又的确几好食，又几特别。今次食友送上此店嘅曲奇，原以为又喺曾试过嘅口味其中一款，点知喺有惊喜嘅新口味！喺咩口味？小弟译佢为罗勒蕃茄芝士曲奇（Basil-Tomato Mozzarella Cookie） 。包装嘅外观跟其他曲奇产品一样，所以，都喺靠盒底嘅标贴；不过，内里独立嘅包装纸就有啲分别，我仲记得海盐芝士曲奇嘅「牛牛」招纸贴喺蓝色，蜂蜜芝士曲奇则用上橙色，而手中嘅罗勒蕃茄芝士曲奇却用上红色。全部独立包装，食用卫生方便 。外层曲奇以北海道牛奶及罗勒制成，所以，入口带有点点既香草香，而中间夹住一片莫沙里拉芝士，应喺加入蕃茄成份，所以，芝士嘅色泽偏橙红，芝士味中又嗒出微微蕃茄味 。此外，正如上次食评咁讲，外形有种好似食紧「菠萝油」嘅感觉，当然，无咩油腻感啦。晌个悠闲嘅星期六晏昼，冲杯咖啡，配番几件罗勒蕃茄芝士曲奇，想返起好友嘅不时送赠，就想记起好多感恩嘅事。