奇華餅家 (金鐘站)

营业中

休息中

一到农历年，总会收到朋友所送嘅新年贺礼，其实，跟朋友讲过好多次，真喺唔好嘥钱破费，但好些有心嘅朋友一定送上少少心意，实在感恩。红当当嘅包装盒，喺「奇华」嘅蝴蝶酥，佢哋嘅蝴蝶酥唔喺第一次接触，知道甚具质素。打开包装，有啲惊喜，因为原来喺有3款口味，包括原味、咖啡味及黑白芝麻味，分开独立包装，每款口味有2包，每包有3件。原味蝴蝶酥原味就梗喺食其牛油香啦，蝴蝶酥做得外形工整，蝴蝶形平均，又烘得金黄。入口非常松化香脆，甚有牛油香，好味。咖啡蝴蝶酥印象中都未食过咖啡味嘅蝴蝶酥，好似晒黑咗嘅蝴蝶酥，中间多咗一层深色嘅咖啡层，果然，食落咖啡味突出，效果真哋唔错，做出嚟嘅外形亦无走样。黑白芝麻蝴蝶酥我记得旧年好似试过一次，喺以原味嘅基础上混入黑白芝麻，入口除牛油香，就多添一阵阵芝麻香，脆口度依然，酥底水准稳定。再次多谢好友送赠，让我同家人又一之试到唔同味道嘅蝴蝶酥。