東海堂 Bake•Drink (富嘉花園)

营业中

休息中

上次食友聚会，一连收到多份小礼物，其中两份喺曲奇类，除咗「理想饼店」出品嘅绿茶蝴蝶酥之外，另一份喺「东海堂」出品嘅冲绳黑糖曲奇，黑糖产品一向甚得小弟欢心。个包装袋面影到啲曲奇好似好细片，其实，每块都唔细片，只喺细过块麦维他消化饼少少，一包有8片，三两吓手势就食鬼晒。查实小弟曾经食过呢款曲奇，就喺晌多年前收过友人所送嘅东海堂「和风曲奇礼盒」，其中一款就喺呢只黑糖曲奇。不过，今次再食番，好似无咁好，虽然口感都好松脆，但主因喺黑糖味好淡、好轻，近乎食咗都唔觉嘅感觉，无咗份醇厚天然嘅甜味。再睇吓啲成份，除加入多种化学剂，黑糖味嘅来源，喺左沟右沟嘅黑糖粉，味道肯定会差啲，甜味又无咁自然啲啰。对东海堂嘅产品一向都几好印象，但今次嘅冲绳黑糖曲奇，就令小弟对其好感有啲回落喇。