古法烘焙 (已結業)

提起「古法烘焙」呢个本土品牌，都好耐无食过佢哋嘅产品，当期时最欣赏佢哋嘅牛油枫叶批、杏仁批、黑糖马仔，以及最早期以卖鸡蛋仔为主打嘅肉桂提子夹心鸡蛋仔。不过，印象中，叉烧批、豆沙老婆饼算喺失败之作，唔喺难食，喺麻麻哋啫。反而，后来知道佢哋出咗啲牛油曲奇（其他早期都有卖，但就唔喺主打），却喺未试过，屋企最近收到其中一份贺年礼物就喺佢哋嘅4mix曲奇，不过，就唔知会唔会亲友误以为喺「珍妮曲奇」嘅出品而买错。一打开个罐，牛油味好劲，澎湃咁涌出嚟。4mix曲奇嘅口味包括牛油曲奇、咖啡曲奇、牛油酥饼及提子燕麦曲奇，密密麻咁整齐排列晌罐内。牛油曲奇外观喺唧花造型，唧得几靓仔工整，入口口感极为松化，而牛油味则非常浓郁。咖啡曲奇同样喺唧花造型，咖啡味都算突出，带微微苦味而少甜，口感同样以松化为主。牛油酥饼苏格兰牛油酥饼（Shortbread）较少接触，应该会喺硬硬哋，但佢就似啲牛油曲奇咁较松化，牛油味就收敛啲。提子燕麦曲奇以咖啡曲奇底再混入燕麦同提子，咬落脆口，但燕麦、提子就极之少，食咗都唔觉，不过，奇怪在成份表内无话呢款曲奇加入咖啡成份。无疑会跟「珍妮曲奇 」去比较，不过，着实好耐无食过「珍妮曲奇 」