影片
更多
2021-01-04
2995 浏览
好老实，供咗MPF廿年，啲基金表现真喺麻麻哋，不过，帐面都仲叫做赚紧，但只喺微利，希望退休之日能有理想嘅回报啦。而呢一日就唔知要等到几时，之但喺小弟嘅MPF供应商「银联」就晌早前嘅节庆日子，送咗张「Paul Lafayet」嘅礼券嚟，我就当喺供咗咁多年嘅小甜头，收工顺路去到海港城City Super内嘅分店换埋去。晌等候期间，就晌铺前嘅冻柜望望，其实，「Paul Lafayet」已在香港扎根好多年，佢嘅出品，尤其马卡龙同法式炖蛋，大家都好耳熟能详。不过，无打算再买其他产品，就没再细究有无咩新出品。而今次「银联」所送嘅圣诞礼盒，原来喺曲奇嚟，火红色嘅包装盒，圣诞树、圣诞雪花以简单嘅线条勾昼出嚟，绝对喺趁番圣诞节嘅色彩。再打开外盒，先露出「Paul Lafayet」曲奇礼盒嘅真身！而揭开盒盖，就印有4款曲奇嘅口味，包括：Cookies with Cranberry、Cookies with Cashew、Coffees Cookies with Cashew、Chocolate Cookies with Almond，每款共有3块，即全盒共有12块，每一块均独立包装。Cookies wit
晌等候期间，就晌铺前嘅冻柜望望，其实，「Paul Lafayet」已在香港扎根好多年，佢嘅出品，尤其马卡龙同法式炖蛋，大家都好耳熟能详。不过，无打算再买其他产品，就没再细究有无咩新出品。
而今次「银联」所送嘅圣诞礼盒，原来喺曲奇嚟，火红色嘅包装盒，圣诞树、圣诞雪花以简单嘅线条勾昼出嚟，绝对喺趁番圣诞节嘅色彩。
再打开外盒，先露出「Paul Lafayet」曲奇礼盒嘅真身！
而揭开盒盖，就印有4款曲奇嘅口味，包括：Cookies with Cranberry、Cookies with Cashew、Coffees Cookies with Cashew、Chocolate Cookies with Almond，每款共有3块，即全盒共有12块，每一块均独立包装。
Cookies with Cranberry先试小红莓曲奇，由淡至浓嘛！以简单嘅牛油曲奇做底，加入劲多小红莓干，睇样都睇得出，曲奇本身好松脆，有牛油香，而小红莓干就令到曲奇带点烟烟韧韧，又有微微嘅甜甜酸酸香味，予人感觉清新。
Cookies with Cashew再试就喺腰果曲奇，相对小红莓曲奇，啲腰果粒粒就唔喺话好多，不过，啲腰果好脆口，食味亦唔错，当然，再加多啲腰果粒就更好啦。
Coffees Cookies with Cashew同样喺腰果曲奇，不过，就改用咖啡曲奇做饼底，自不然，曲奇多咗阵阵咖啡香，感觉就更好味啦，此外，啲腰果粒晌呢件曲奇显出嚟更明显，多而大粒，故以，一块曲奇究竟多定少腰果粒都喺撞手神。
Chocolate Cookies with Almond最后试呢一块较深色嘅喺朱古力杏仁曲奇，杏仁做成薄片，藏满晌朱古力曲奇之内，曲奇嘅朱古力香味够浓，加上杏仁片好脆口，基本上，都无得输。
以往写呢个「好友狂尝曲」系列都喺以朋友送赠嘅曲奇为主，今次，就少少借题发挥一下，因为自疫情开始到依家，都真喺无乜同啲朋友、食友相约饭聚，所以，都差唔多近一年无写过。另外，讲啲「Paul Lafayet」嘅曲奇，佢哋始终喺整糕饼专家，自然有一定嘅质素，不过，略嫌款式好「大路」！
题外话/补充资料：
因为喺MPF供应商「银联」送赠，所以，几个细项评分（环境、服务、卫生、抵食）嘅参考值唔大。
(以上食记乃用户个人意见 , 并不代表OpenRice之观点。)
张贴
