江戶日本料理 (已結業)

识左好多年既朋友生日，打算请佢食餐好，知道佢本身都钟意食日本菜，不过平时唔舍得食，所以我就带佢黎呢度食晏，因为之前听朋友讲过话呢度水准几好但价钱唔算贵。午市套餐既选择唔少，朋友拣左海鲜铁板烧，而我想食得清淡啲，所以就要左个寿司．野菜乌冬定食。精选海鲜铁板烧套餐定食。定食有埋日式炖蛋、渍物、沙律、白饭同面豉汤。铁板烧就跟北海道带子、大虾、生蚝和三文鱼，虾都几爽口，生蚝同带子都唔错。餐牌写住白饭系用白雪皇后米，呢种米食落都几有米香。寿司野菜乌冬定食。寿司有三件加州卷、吞拿鱼、三文鱼同埋油甘鱼，都唔错。野菜乌冬既汤底几甜，里面有好多菜同菇，食完岩岩够饱。朋友食完都觉得几好，话下次屋企人生日果阵都可以带佢地黎食餐好。