只 (已結業)

尖沙咀难得嘅清新宁静空间~今次系由加拿大回港几星期嘅朋友选择地点，适逢生日后几日，所以系度补庆祝埋。先来忌廉磨菇汤，好香浓唔太咸，亦唔会太油腻，成碗饮哂都唔会有俾牛奶或者cream顶住嘅感觉，为阵间嘅主菜打好个底。再来沙律，几只颜色唔同嘅小蕃茄好抢镜，罗马菜火箭菜新鲜水分够，亦唔会苦，配搭少少酸甜嘅醋同橄榄油非常适合，少少木鱼丝一开始仲郁下郁下好有动感，真系好「新鲜」哈哈意大利饭友人认为稍硬，不过正宗做法都唔会系淋，我喜欢有口感所以几接受到，牛油味好香，饭好滑，上面加左芝士粉更吸引，份量适合女生，男仔可能未必够白酒海鲜意粉，酒味清新，容易入口，女仔会钟意，意粉系惊喜，颇为入味服务值得一赞，当晚去到先通知店员能否在甜品上帮手整d小惊喜，佢亦好乐意帮手，无另收钱，仲祝友人生日快乐，又帮我地影相题外话，店面有花墙可供影相，唔少女仔专登揾个靓位