BEP Vietnamese Kitchen 越灶 (已結業)

星期日晚要做野已经惨㗎啦，竟然晚餐都要喺中环揾食，既然咁惨，就决定对自己好啲，行远啲去Soho食啦。搭扶手电梯去到最顶，落到去就见到呢间食越南野，入面人头涌涌，好似几正常㖞。睇返餐牌，价钱比较合理，都系$80起跳。入到去坐低，侍应好快就比杯水我，几特别嘅地方系，啲水系有薄荷味嘅，因为水入边放咗薄荷叶。望吓Menu，想试吓啲平时冇食过嘅嘢，所以拣咗槟榔叶牛肉卷捞檬，见到可以加$10转朱zoodles，之前喺网上见过zoodles系可以减低淀粉质摄取量，食完又会觉得饱嘅，即刻点黎试下。黎到见到都几大份，即刻落我最钟意嘅捞檬汁就起动了。第一次食槟榔叶，原来味道都几似紫菜，几好食㖞。Zoodles原来系一大堆切碎左嘅青瓜，冇好似noodles咁一条条，觉得自己食紧一个巨型嘅沙律多啲㖞。埋单$88加一，都算几抵食啦。